2020我終於有左一筆新資金，可以開始我第一步投資。
成功建立自己第一個米倉，回報唔算標炳，但起碼係正數。
比較可惜嘅係冇好好捕捉到三月份嘅大跌市，亦估唔到佢回血回得咁快。（依家知點解）
呢個係行動力vs能力圈vs判斷力三者嘅平衡同取捨。
下年應該追求更好嘅表現，我不滿足於自己組合只係抗通脹套餐。
回顧嘅另一重點係數據分析，我想知自己資產配置上比重嘅變化，問問自己，我想要一個點樣嘅組合，我想要幾多回報，想承受幾多風險。
普洱同我提過「每個人嘅comparative advantage唔一樣 做返自己強項就maximize到」。客觀黎講我優勢係資本量，而時間、知識係我缺乏嘅。唔係話自己本金真係好多，只係過左第一個臨界點，可以做到一個複雜多元化嘅組合，自然有多啲機會去嘗試同學唔同工具。如果本金只有5萬，無咩組合可言。航空嘅比喻，低飛比高飛需要更高技術。有呢項優勢，只要我專注做好資產配置，已經係立於不敗之地。
（待續）
沒有留言:
張貼留言