【讀後感】潛規則

@wikipedia

前言

-自從買左kindle之後，閱讀速度大增，隨之而來既結果係睇多左書。

-為左唔好左耳入右耳出，所以寫下讀後感。

-其實我呢種點列式blog文並冇完全發揮到100%既學習效率

-只係習慣需要時間培養，先唔追求一步到位

-done is better than perfect

閱讀動機

-有相熟朋友同我講，「太一，如果你想追求你既目標，太過一板一眼既性格可能會令你冒上更大風險」「了解一啲職埸上既潛規則對你會有幫助」

-說穿了我都只係一名初出茅廬既小子

-緣份到了，遇上呢本電子書

-豈料書中所寫之潛規則並非職埸上既潛規則，而是一堆中國歷史故事

-此書對我影響來得比預期深遠

讀後感

-睇完之後有心理陰影

-有種好重既無力感。

-剖析中國歷史，你會發現，比起白紙黑字的規矩，對國家上下的影響力，往往更來自於其沒有寫出來的潛規則。

-注意，去理解時不應抱著道德批判的心能(至少我沒有)，而是去考慮行為的效率。

-然後我就發現了一個可悲的事實：過去兩千年，中國這個民族，上上下下毫無選擇，通通都是被體制推動著的奴隸。

-作者在書中後段有寄語可以向西方學習，可我也不確定西方有好了多少。農奴/地主/國王的關係好像跟東方也差不多，可能到了工業革命後才出現了根本性的變化。

-所以下一本去看的歷史書是 Gun, germs and steel。

-有趣的是作者一開始在前言提到，書中內容有點太黑暗，如果尾段不補上一章「雷鋒精神」恐怕不能出版(笑

-當追求公義的代價太大的時 (或甚超出了個體的生命)，很自然會選擇啞忍。

-潛規則不是單純的貪污，它是有規有矩的，甚至存在著維持體度的功能。

-有點像哲學上「必要之惡」的概念

-西方有一說，民主體度不完美，但巳經是最好的辦法了；在中國歷史上，潛規則就有點像這樣的存在。

-西方近年好像有向中國學習管控人民的傾向

-配合科技，可能會成為另一種形式的LCL之海吧(苦笑

回顧2020、展望2021（二）

-回顧要有啲量化嘅數字去幫助理解同分析 

-研究左好耐點樣去visualize自己個portfolio嘅變化，最後都係用翻IB個內置function算。

-弊在喺IB嘅分類入面，佢將Prfd/ETD當左做股票，而唔係fixed income(或者stable income), 所以望落個比例係咁：

而實際我自己計完出黎，係咁：

(Accounting係misc.嘅意思）

-明顯側重左喺Fixed Income Asset，有固定現金流係好事，但相對保守，我會形容係一個穩陣嘅開頭。即使係股票類別入面，我幾乎全部係reits，可以係優質資產，但組合成長速度會好慢。

-我由3月份開始實驗性慢慢調動資金入個倉度，三月入左35%，到八月大概50%，十月先真係入晒100%資金入去。所以performance條數其實都幾難計。

-如果我要計上年賺左幾多，我應該由三月計定十月開始計？

-簡單啲，計實數。(2020年尾Gross Value-本金）/本金

-開估之前，講下最猛料嘅兩支猛將：

-一隻升左83%。另一隻升左95%

-就係LULU同DIS！

-估下我買左幾多？

-反白-->2股同6股，冇錯係股唔係手

-😂

-有冇揼心呢，其實冇（賺錢wo）比起錢，我想要嘅係賺錢嘅能力。呢兩隻明顯我係冇信心，因為我知自己「唔知自己買緊啲咩」。其實我成個portfolio都差不多，我希望好快有一日，每一個交易都係fully conscious decision

-講翻成個組合，2020年Net Profit係6.4%

-當中4.7%係由資產增值黎，而1.6%係利息

- 如果講Asset Allocation，下一步係加重增長股嘅比例

-希望可以多揾到啲對我個人發展有利嘅行業

-另外美股比例偏重，可以的話我都係想好似止凡咁講，三隻腳(US,HK/CN,EU)，或者四隻(SGX)

-不過如果計埋我倉外嘅流動資產，其實我最多比嘅都仲係HK，要慢慢調整下喇

(待續)

自製電子書讀blog

-自少習慣左香港教育制度既訓練，唔習慣冇syllabus，冇攻略，冇pastpaper

-但出到社會就係生存遊戲，所以我明白點解咁多人鍾意做公務員，因為我地套制度係訓練出公務員思維既

-投資都係冇攻略跟，好彩既會有啲guidelines跟下

-我諗廣泛閱讀係一條唔錯得晒既guideline

-最近再次覺得自己喺學習投資方面唔夠勤力，而以我特殊情況學習好投資理財其實係目前最緊急而又最重要既事，我應該多放時間落去

-奈何我目前工時偏長而且路途遙遠，所以每日可用既時間甚少

-上年年尾買左部kindle，上個月到手，明顯感覺到閱讀量、閱讀速度大增

-我都仲係比較喜歡實體書，但兩者功能同目標不同

-喺跟隨風兄步伐後，另一個我揾到既寶藏係Kano

-但同風兄唔同，kano既文筆比較散亂同隨心，加上有啲佢同自己谷有用開既字眼，冇睇開未必明

-於是我決心睇返晒佢所有blog文，由於佢都只係上年出道，所以作品唔多，其blog友我未必有呢個心力煲晒

-由於用kindle 讀就真係快好多，我將Kano 嘅blog 轉晒做kindle 格式睇

-準確度有八成，有幾篇出唔到，不過我都滿意，起碼可以速讀一次，反正我都唔係諗住細讀成個blog

-有需要先會返轉頭讀，依家一為拎啲insight ，二為幫我自己追返上更新進度

-如果有blog友有興趣想用kindle溫書可以留言問我拎file ，只有2019-2020內容

-如果Kano睇到覺得唔係咁好請通知我，咁我改改篇文del翻上一句，始終你係原創者

-之後再講下佢同風兄對我投資學習嘅影響

（完）

回顧2020、展望2021（一）

2020我終於有左一筆新資金，可以開始我第一步投資。

成功建立自己第一個米倉，回報唔算標炳，但起碼係正數。

比較可惜嘅係冇好好捕捉到三月份嘅大跌市，亦估唔到佢回血回得咁快。（依家知點解）

呢個係行動力vs能力圈vs判斷力三者嘅平衡同取捨。

下年應該追求更好嘅表現，我不滿足於自己組合只係抗通脹套餐。

回顧嘅另一重點係數據分析，我想知自己資產配置上比重嘅變化，問問自己，我想要一個點樣嘅組合，我想要幾多回報，想承受幾多風險。

普洱同我提過「每個人嘅comparative advantage唔一樣 做返自己強項就maximize到」。客觀黎講我優勢係資本量，而時間、知識係我缺乏嘅。唔係話自己本金真係好多，只係過左第一個臨界點，可以做到一個複雜多元化嘅組合，自然有多啲機會去嘗試同學唔同工具。如果本金只有5萬，無咩組合可言。航空嘅比喻，低飛比高飛需要更高技術。有呢項優勢，只要我專注做好資產配置，已經係立於不敗之地。

（待續）

[推薦] 友人主理：投資解茶

高質素節目推薦

有現實生活中既朋友(利申:不是小弟)開設左一個分享美股投資心得既節目。內容簡而精，有人分享有價值既內容，係值得被推廣同鼓勵。所以我喺度向大家誠意推薦，希望大家聽完會有所得著。同時亦都好適合推薦比初玩美股或者開始投資既朋友仔。

投資解茶| Investment Tea | Podcast on Spotify

全球首個廣東話美股長線投資podcast。 工作了一陣子想買股票，除了騰訊匯豐之外，我發現美股是更好的長線投資選擇。 每個禮拜，一杯投資解茶，一個美股故事，幫你開拓投資視野。

  IG: @investmenttea