揾下自己個位置(一)

 以前岩岩接解投資嘅時候，有一排成日睇窮一生(多謝師姐推薦)。佢有個系列係用啲統計數字分析下，轉返做人話，再解釋下俾啲後生仔聽下。都算係貼地又易明。

近日開始返呢個理財嘅行為，又好自然冒起左一個想法：其實我算揾得多唔多？

呢個問題或都有啲搞笑，但我一直都唔否認，對於普遍香港人黎講，我對錢嘅慾望同對數字嘅敏感度其實認真唔高。事業上莫講話ar唔arggressive，實情仲係有啲懶(chill)。揾錢方面亦都如實反映左呢一方面嘅特質，但為左令自己嘅未來更懶(chill)，我係要懶懶地咁計劃下點樣去懶。(一堆廢話)。

常言道，你想以後都唔洗撈，你(至少)要有被動收入。咁之後就應該問，我應該要有幾多被動收入先夠？咁就要睇你洗幾多。但呢啲問題對於我呢啲廢青黎講，仲係有少少high-end。所以為左build up少少foundation，我地今日望下，究竟我地係揾幾多(主動收入)。

(題外話，揾幾多係睇洗幾多，但洗幾多先係「夠」？呢個都係一個有趣嘅topic，之後想寫下)

我個人嘅思維模式係幾有趣，有陣時係好有系統，但有陣時又好散發式咁去學習。好似金錢觀咁，我就係經歷緊一個咁嘅階段。冇乜系統，東拼西湊，但累積到一個地步之後，就會慢慢見到個脈絡。

所以「揾幾多」係一塊小拼圖，用黎拎一拎個感覺，參考一下。

Part One 同行比較

通常揾得多唔多其實我地係靠同人比較先知嘅。通常一係同啲同行比，一係就同啲同齡嘅比。

我自己現在工作條path係專業人士，最簡單就係用政府嘅升宫圖黎做reference。

揾揾埋埋就組合左資料，加埋啲個人經驗，只供參考。

小弟做嘅係修橋補路嘅建造業，喺政府入面分4層

(A)>(B)>(C)>(D)

(A)助手assistant>(B)考左牌professional>(C)大佬senior>(D)老細Chief

考牌嗰部份都仲係你能力範圍之內嘅野，但之後就運氣成份唔少，同埋就算係老細，喺政府入面依然係啲好細嘅位，唔好太多幻想。不過錢呢，都係現兜兜嘅。

咁每個level又有佢嘅salary point。之後用個salary point揾返個人工出黎。

(A)18-27>(B)30-44>(C)45-49>(D)D1

留意返，Chief嘅級別已經係首長級，開始唔係用數字。

換做數字

(A)$37,685-$57,395 > (B)$65,875-$112,925 > (C)$120,520-$138,855 > (D)$154,700-$169,350

感慨一句，如果考左牌，你付出嘅成本一樣，入政府就陸皮幾野起跳，性價比係好令人會咁揀。當然，如果你有其他揾食技能，咁又可以另作他選。

如果用呢個角度睇，小弟自然係喺食物鏈嘅底層。

不過又仲有其他角度嘅，下回再講講。

reference

https://www.csb.gov.hk/english/info/files/2080514annex1_e.pdf

https://www.csb.gov.hk/tc_chi/admin/pay/48.html

持倉分析系列(一)-固定資產到期日

話說一直以來買資產都係抄功課居多。近來心情穏定返啲，有返力量去研究錢嘅問題。

記帳方面終於揾到個long-lasting嘅方法，咁就開始望下自己買落啲貨嘅表現。

要達成我嘅理想，目前最有潛質嘅工具都係投資。

問返性格同能力圈，最易起手嘅都係固定資產。(係，我最鐘意食息)

所以由固產開始檢視返，慢慢拎返個感覺。

先唔睇複雜，睇下我係咪每個月都有息收。

係就係，不過都唔算太平均。

係咁易按有派息嘅月份，做左個excel。

就咁睇未來5年，都望到啲野嘅。

1. 黎緊3年有4隻bond會到期，要準備揾替代品，早啲開始望就有機會避開唔洗捱貴價。

2. QUAD已經到左期，要揾替代品

3. 雖則話每隻貨派嘅息都唔同，但派息嘅月份都真係幾唔平均，導致我有啲月份嘅息係另一啲月份嘅一半。雖然都係袋落自己袋嘅錢，但平均啲對個心理會好啲，冇咁亂，管理黎講都容易啲。

基本上我係買完好少賣，大多都係計岩數入場，跟住就唔點理。不過我組合嘅呢部份其實都有一定風險。先排除公司執笠呢一部份(呢個係step one)，其實啲優先股係有多少令我又愛又恨。優先股係有少少似啲壞女孩，你同佢一齊嗰陣時，好開心、好刺激、仲有高息收，但佢地情緒唔係好穩，由其過左到期日嗰啲，隨時都可以贖回，加上價格浮動又大過bonds，唔少係永續，姐係唔會好似bonds咁到期就拎本金。最近嘅example就係ALIN E呢隻，停止派息，價格暴跌，我又反應遲鈍，唯有蟹貨。不過雖則有風險，但我都係會保留呢一部份嘅工具，始於佢地派息高，未來又持續通漲，未做槓桿嘅我，只有向高息產品嘅方向發展。