標籤

2020年12月20日 星期日

組合初成後第一個投資錯誤決定 HSBC PRA

匯豐HSBC PRA 優先股贖回一事,之前自己寫左一半,不過懶懶地冇寫落去。好彩應承左風兄要寫,所以先有動力記錄清楚心得。

Above par 已過call day 或者接近call/mature day嘅債/ETD,其實買之前應該要計岩數。事源在下上個月嘅目標係初步完成我嘅第一個IB倉組合,為咗鍛鍊自己嘅決斷力,急於求成下買入左HSBC PRA 優先股作為組合其中一員。而最近風兄同Kano都有寫到因為美國長期低息政策,公司未必會選擇provide咁大息差,而會收回高息債,出新嘅低息債。

今日(上星期)收到消息,HSBC PRA即將贖回。喺above par價位下買入嘅我,都唔知自己收過一次息未。其實係無論債券或優先股,即使係above par ,都可以計算,喺call day前總共會收到幾多息。如果中間差價係可以補回,咁喺call day之後收回都可以break even嘅。但我買入前偏偏冇咁做。

其實風兄著作當年已經有提過Above par贖回一事,剛好又是匯豐,所以其實又未算話真係十分意外。分配資金時除左考慮會唔會執笠之外,仲會睇下價錢。當時已經幾抗拒above par,相對會放細份啲。

中學時神父有教過:孝有三,大孝尊親,其次不辱,其下能養。其實呢個Hierachy都可以用到喺學習投資上,最好係做到,了解公司基本面(要時間、知識、經驗),做唔到嘅,其次要計岩數(內含價值、溢價、安全邊際)(which is 今次其實我係有能力做到,但我都冇做,所以係抵死嘅),再做唔到,其下:資產分配,分散風險。而我今次做得岩嘅地方,就係分散風險。今次嘅經驗亦都正好係一個例子,喺知識同經驗不足嘅情況下,的確係可以分散風險嘅。

蒙格佢係完全唔同意應該分散風險嘅,佢覺得只要你知自己買實岩嘅野,點解唔買多啲。老實講,我真係唔敢講話知道自己買緊乜野。非全職投資者,分散投資,降低風險,好重要。

講翻我呢筆。如果比我再喺嗰個時間再做多次決定,會唔會買HSBC PRA,答案係好可能都會。因為目前一個大家都面對緊嘅困難係:好似揾唔到明顯比較優秀嘅alternative。好似我今次咁,其實買得唔多,我投入喺HSBC PRA嘅資金只係我成個倉總成本嘅約2%,而我今次嘅損失亦只係幾百蚊港紙,所以呢個教訓係值得俾嘅。但一樣還一樣,冇計足數,計岩數,呢個係我自己嘅不足。有能力可以做好嘅野又唔去做,無形中增加左自己嘅風險,呢一點要好好檢討。

Kano提起,有別於以前低息口低通脹,或者高息口高通脹,而家係玩低息口高通脹(原理我知知地但都未解到,可以揾日再温多次書),starman當年嗰套債reits配槓杆,遇上低息時代重臨,都未必可以照單全抄。以我功力,又未自創到適合呢個時代嘅策略,但我信in the long run經濟係會向上的,所以繼續儲資產,只係會唔會加大風險來加大回報,以捉緊可能的經濟復甦(又或者遇上黑天鵝,畢竟呢一年嘅股災反彈得太快,夠竟算唔算一個週期嘅recession?),就係下一樣我要好好考慮嘅問題了⋯⋯⋯⋯⋯⋯


(p.s.又係一落筆就停唔到手)

2020年8月21日 星期五

匯君每週財經筆記

前言

自從止凡兄邀請左各方好友上佢頻道分享之後,我開始每星期追看匯君兄的影片。但久而久之發現,如果每次我聽完資訊後都如過眼雲煙,儘管含金量高,但如果左耳入右耳出,其實得物無所用。畢竟每條片都有30分鐘以上,如果冇好好吸收其中資訊,就會變成「消費」(或者浪費)了人生30分鐘,去換取一種自以為學習了甚麼的錯覺或快感。這一點比我用同樣30分鐘去看一集肥皂劇更值得令人擔憂,因為後者是明確的娛樂,你知道自己在不務正業;前者則相反。

人生在世雖超過二十個寒暑,坦白說就算我接觸了財務自由的概念後,到現在聽財經新聞時還是有點摸不著頭腦。但匯君兄影片珍貴的地方是,他會理清他是如何解讀每一項重點新聞,而且相對客觀。我碰非要把他捧到上天,世上比我強的人有如恆河沙數,但往往你最多只能知道他作出的結論,而不知道他是如何得出一個結論。比如巴郡,大家都看到它每一個決定,但他不會一步步解釋你知,甚至有時是經驗所得出來的直覺,要他解釋反而要重新思考。而匯君兄,就是一個比我強的人,願意分享思考過程,而剛好內容在我知識的邊界。過猶不及,太容易我不會聽;太艱深,我聽不懂。這就已經算是緣份。

所以學是要學他的思維模式,但如何學?如果單純把重點抄低節錄,其實是費時失的做法。最近習得了active recall的學習技巧,其實毫不神秘,不過篇幅有限,有緣再分享。簡單來說,我的筆記不會是一個個重點,而是一條條問題。想測試自己有沒有吸收到影片的重點,你可以看自己能否回答筆記當中的問題。當然我的問題只供自己參考,沒有編寫得很嚴謹。加上實際數字其實不一定要記得很準確。不過概然都寫了出來,就不如分享出來看看有沒有知音人吧。



P.S.歡迎留言交流。每頁筆記均設有留言功能。

目錄

匯君 17 Sep 2020(下期)
匯君 9 Sep 2020(暫停)
匯君 26 Aug 2020 (Youtube)

2020年5月30日 星期六

價值投資者的孤獨(一)


這不是一篇實用文章,只是一名青年的無病呻吟,請勿見怪。

以前一直不敢自稱為一個價值投資者,一來投資經驗淺薄,二來對價值投資或者投資的概念還是很模糊,如果一個新手以此自居,恐怕貽笑大方。

但最近心態有點改變,雖說接觸價投還不到三數年,但漸漸的,無意中發覺到自己對股市、經濟、金融的看法有點不一樣,又或者說,更加實在、清晰。

最主要的轉變,就是fact check的精神,以及打爛沙盤問到篤,在理解投資背後運作之前,不(敢)莽下判斷。

開始,我認同了自己是一個價值投資者,畢竟,唔洗考牌嘅。價投者都有分高低手,我就只係新手。但一啲價投嘅basic principles ,已經入左血。睇事物嘅框架,就好似戴左一副價投嘅眼鏡去睇投資活動,一切都係多得止凡(以及引薦我學投資嘅朋友)嘅無私分享引領我入門。

唔好誤會,我十分欣賞止凡兄,但我唔覺得自己係佢死忠粉絲。有啲佢嘅想法、甚至係理財習慣,我都唔係100%認同,始終每個人背景不同。更重要嘅係獨立思考,對一個價投者黎講係尚方寶劍、或者奧米加加濃炮。

有時不敢思考,點解佢會願意咁無私去分享?相信如果係佢嘅長期讀者,唔會否認呢個人佢,不為名、不為利。堅持逐個留言覆,好多奇怪網友極端發言,佢都仲好有耐性。一係就佢個面皮成尺厚、對人言完全冇感覺,或者佢係傻嘅。但佢都有分享過佢對呢啲人嘅諗法,唔好受,但佢會嘗試放低。佢唔係無恥之徒,更無可能係傻嘅。

咁點解?人性係趨利避害,無理由會做一啲好處都冇嘅嘢。真係有無私嘅人?我理解唔到。或者咁講,近年來我思維模式當中,利己主義(Egoism)比較重,我無法輕易相信無私的存在,除非那是惺惺作態。

最近閱畢Starman兩半作品。只能用四個字形容:醍醐灌頂。閱讀時嘅震撼感概難以忘懷,可以一探高峰美景嘅激動,又一再令我諗起呢一個問題:

點解佢哋會願意花出額外精力,去無償分享一啲極高價值嘅資訊?

(下回續)

2020年1月29日 星期三

財務學途回顧

鼠年快樂。文末也寫一點鼠年文化逸事。

寫一下2019財務自由學習旅途的回顧。

本來就沒有覺得自己可以做一個blogger,因為從少到大都養成不了定期寫文章/日記的習慣。不過如果一年寫不到一篇,可有點過意不去,更何況自己其實一直沒有離開過學習的路。可能沒有太引人入勝的分享,但至少也是個里程碑。

簡短記錄一下:

止凡
止凡的7本著作,除了去年的新作由錢入心以外,我都一一看畢。
再提一次,我覺得止凡的書比較像blog文,不過重新篇排過,所以可閱性提高了,而都是值得放在床頭,有空時重新翻閱一遍。

12堂課算是令我印象最深刻的一本,內容開始「到肉」,亦開始讀得比較慢,因為會計概念開始增多。要單靠本書去了解會計三寶恐怕徒勞,但絕對打下了好的根基。我沒有要求自己把每一部份也看明白,反而之後再回來對照,獲益更多。

另外也subscribe 了止凡的youtube channel。止凡兄有用心製作,所以質量比剛開始時高得多了。片長很適合食飯時聽,如果我在做圖像工作時也會一邊畫圖一邊吸收。

鐘記
我報讀了鐘記的基礎投資班。那時候我沒有看過鐘記的著作,本想先買一本電子書再上課,結果學員可以折扣價買指定書本,也就一口氣買了三本。

不過我沒有報讀下一期的課程,當然不是覺得課程質素不足,只是認為自己未準備好。有機會另闢一篇短文分享一下自己的上課心得。


財叔
我去年在圖書館借了獅子山精神投資法一書。後悔後悔,後悔借得太遲,後悔生不逢時。一是各種樓市辣招已成定局,有點感概以前揾錢,可能真的有比較易(不過 現在也可能比將來易);二來財叔已處於收山狀態,恐怕已無機會親身向他學野。可惜。

豈料財叔在2019年開了一個今次仆街鳥分享會。不是分享成功法則,而是中招經驗。明知這比較像是他和fans的一年一會,有點像子華開show的動機,但我也抱著博一博的心態(價錢稱不上是便宜)去學野。結果,我也蠻出位。首先我報名時付多了錢,要財叔嗌咪邀請我出黎拎錢。其次,當日只有2名新參加者,我是其中之一。三來,我是在場最年輕的一個,唯一年齡不過四份一世紀。最後厚著臉皮和財叔多談了兩句,他也不介以我這個生臉孔前來求教。只能說,財叔的確有得強的個人魅力,如果我是女的也會覺得這個男人很charm,而作為男的我認為可以在他身上學到不少東西。

應該會再寫一篇關於財叔的分享吧。

皮老闆
朋友介紹給我皮老闆的youtube channel。我最近對開IB(Interactive Broker) account 很感興趣,應該也會跟著影片內容開一個。皮老闆的影片內容來得比止凡更隨心,每條片的資訊密度相對也可能沒有後者的高,可能未必是送飯首選,卻也有很多不同的財自資訊可吸收。

風中追風
著作懶系投資法。下半年買了google play的電子書。看到一半時,心中已經湧現了四個大字:驚為天人。當然這種震撼可能只有我這投資初哥才有,而且懶系投資法亦要求你有一定的資本,但當中的中資訊以及風兄展現出穩實而不過於謹慎的投資態度。最重要是,投資,不只是有股票和樓市,也不只有香港市場。上星期開始看他的blog,也發現含金量極高,藉得細閱。看,網上資訊依然遍地黃金,願意分享的人還真不少(很感恩),問題只在於你願不願意開始去學。可惜風兄上月發表一篇文章,寫「後會有期」。萬分惋惜。

郭釗
HEA富學。點出了很多我忽略了的重點。到底你的生意是你的人生意義,還是你的財自工具?不在一開始搞清楚這一點,可能仲慘過打工。這本書的內容值得令我再三細味,尤其小生意這回事一直在我腦海醞釀多時。

Starman
兩本現金流為王是我一直想在2019年完成的書,結果卻不停被打尖。和上述的各blogger/KOL不同,其實Starman本人是我在各香港blogger當中最崇拜的一個。無他,因為他正在實現的,就是我的夢想,一個令我又愛又怕的夢想:白手興家,成為一個企業家。財務自由,只是手段。它是人生三大遊戲的其中一攻略。金錢、健康、人際關係。但三大遊戲以外,真正重要的,會令你自我實現的,令人生變得有意義的事,比財務自由來得重要。希望來年,夢想會成為目標,我會與此再走近一步。

話說文章開端寫了鼠年快樂,本想改寫為蝠年快樂,順道提一下網上看到的文化典故。『因為「鼠」不是很吉利,比如鼠輩橫行、鼠疫等,能避則避。通常會改用「蝠」或「福」字來取代「鼠」字。』但有鑑於武漢肺炎其中一源頭就是蝙蝠,恐怕用了蝠就更「唔老黎」了!

無論如何,天佑香港,希望大家健健康康,攜手抗疫。